News Story
Agorodd Della Hill, ein arbenigwr data mewnol (AKA ein Rheolwr Gweithrediadau ac Effaith Gymdeithasol), ei thaenlenni anhygoel a rhannu rhywfaint o adborth gan gynulleidfaoedd.
Dros 16 diwrnod ym mis Gorffennaf ac Awst camodd plant ledled Cymru i fyd lle roedden nhw’n teyrnasu’n llwyr, heb unrhyw derfyn ar eu creadigrwydd. GwnaethTreantur, a grëwyd gan yr artistiaid gweledigaethol Nigel Barrett a Louise Mari, drawsnewid yr awyr agored yn llwyfan i blant archwilio ac arbrofi gyda rhyfeddodau theatr a chreadigrwydd trwy osodwaith, a ddyluniwyd gan Amy Pitt. Y tro unigryw yn y gynffon? Nid oedd oedolion yn cael mynd i mewn. Yn hytrach, roedd 'Arbenigwyr Treantur' medrus ar y safle i roi lle diogel i blant i'w dychymyg redeg yn wyllt.
“Arbennig iawn! Enillais i gystadleuaeth! Wnes i greu cymaint o stwff! Y diwrnod gorau ERIOED!" Plentyn
Sut wnaeth Treantur ddigwydd
Wedi’i bweru gan bartneriaethau, cydweithio cymunedol, rhyddid a mynegiant, ac, yn anad dim, toreth o hwyl, ymwelodd Treantur â'r Drenewydd, Pen Llŷn yn yr Eisteddfod Genedlaethol a Glyn Ebwy. Roedd y prosiect theatr arbrofol hwn wedi’i dreialu i ddechrau yn y Drenewydd yn 2022. Yn deillio o'r sylweddoliad bod pandemig COVID-19 a'r argyfwng hinsawdd wedi effeithio'n ddifrifol ar genhedlaeth o blant, ei nod oedd darparu profiad sy'n adfywio ymdeimlad o ryddid a llawenydd. Mae Treantur yn grymuso plant Cymru i wneud synnwyr o’u hamgylchedd trwy wneud ac adeiladu trwy ddychymyg, chwarae anhrefnus a dirwystr, gan alinio ac ategu sgiliau annatod y pedwar diben o fewn y Cwricwlwm i Gymru.
“Gwych! Fedra i ddim diolch digon! Y mab yn 6 ac yn gallu bod yn swil ac yn gyndyn i gymryd rhan mewn pethau! Mae o wrth ei fodd yma yn rhyddid i greu ac i chwarae. Wedi codi bore 'ma ac isio dod yn syth i Treantur! Uchafbwynt yr Eisteddfod yn sicr iddo… Hyfryd gallu gwrando o’r tu allan, profiad arbennig.” Oedolyn
Beth ddigwyddodd yn Treantur
Cyn gynted ag y cafodd y plant eu 'Pasbort' a chamu drwy'r 'Giatiau Ymadael', a gynlluniwyd i ddynwared profiad maes awyr, daethant yn ddinasyddion Treantur. Heb unrhyw reolau i'w rhwystro a chyfoeth o eitemau i chwarae â nhw, mater iddyn nhw'n llwyr oedd penderfynu sut y byddent yn treulio eu hamser gyda ni. Bu Nigel a Louise yn cyfweld â'r plant ac yn adrodd hud a lledrith Treantur trwy seinyddion i rieni a gwarcheidwaid ei fwynhau o'r tu allan. Boed yn hacwyr cyfrifiaduron yn achub y byd digidol yn y Drenewydd, teithwyr amser yn dychwelyd cyfrinachau o’r dyfodol yn yr Eisteddfod, neu folcanolegwyr yn atal ffrwydradau yng Nglyn Ebwy, clywson ni am ystod o wirioneddau dychmygus trawiadol a ddaethpwyd yn fyw gan feddyliau cenhedlaeth iau Cymru.
![Mae plentyn yn gwisgo bocs cardbord ar ei ben, a phecyn jet cardbord ar ei gefn. Mae yna oedolyn ar y dde yn gwisgo siaced gyda 'PRESS' ar y cefn.](https://dhevxnsjbs7nt.cloudfront.net/_imager/files/1-Productions/137428/Kidstown-261_3da006a415f47d9e360e8c05e8356287.jpg)
Y niferoedd y tu ôl i effaith Treantur
Dros 16 diwrnod...
- Daeth 2,630+ o bobl i ymweld, gyda llawer yn aros am y pum awr gyfan, ac yn dychwelyd ddydd ar ôl dydd
- Darth 36% o blant yn ôl am fwy nag un diwrnod; roedd rhai yno o'r dechrau tan yr amser cau bob dydd
- Cafodd 86 o wneuthurwyr theatr llawrydd o bob rhan o Gymru eu cyflogi, eu hyfforddi a'u cefnogi i wneud i Treantur ddigwydd
- Cafwyd 8 sesiwn hygyrchedd fel bod pawb yn cael y cyfle i archwilio eu dychymyg, o BSL i sesiynau hamddenol
- Roedd 23 o 'Arbeniwyr Treantur' – wedi'u cyflogi ym mhob ardal leol – ar y safle, yn helpu'r plant i ddatgloi eu potensial creadigol
- Gwnaeth 1.23 miliwn ymgysylltu trwy deledu a radio, gan gynnwys hud Treantur yn cael ei rannu ar BBC Breakfast TV ar BBC Un
- Gwnaed 800 o becynnau cinio i danio meddyliau creadigol ifanc
- Roedd 150,000+ o argraffiadau ar Twitter (neu X!) yn ystod ein trydar byw, gan alluogi pawb i fwynhau'r hwyl yn Treantur wrth iddo ddigwydd
- Llenwyd 100+ o gêsys yn llawn propiau, gwisgoedd a deunyddiau crefft cyffrous i’r plant eu troi’ n greadigaethau o bob math!
Mae Treantur yn anhygoel – mae'n berfformiad ar sawl lefel. Bydd fy mab yn sicr yn mynd â’r profiad hwn gydag ef wrth iddo dyfu'n oedolyn.
Oedolyn
Lle hyn yn rili da - dwi eisiau fe ym mhob Eisteddfod.
Plentyn
Mae wedi bod yn hwb anhygoel i’r dref yr wythnos hon… Roedden ni wrth ein bodd bod ym ‘maestrefi’ Treantur ac roedd gwrando ar y sain mor deimladwy, doniol, torcalonnus.
Steffan Jones Hughes, Cyfarwyddwr, Oriel Davies
Cefais fod Treantur yn amgylchedd gwaith cadarnhaol iawn ac yn brofiad gwych yn gyffredinol. Cefais gyfle i ymarfer llawer o sgiliau a fydd yn ddefnyddiol mewn amgylcheddau gwaith yn y dyfodol
Aelod o criw Treantur
Diolch!
Mae popeth a wnawn yn NTW mewn cydweithrediad. Roedd Treantur yn ymdrech tîm a ddaeth ag artistiaid, gweithwyr proffesiynol a gwirfoddolwyr ynghyd, i gyd yn gweithio'n angerddol i ddod â'r rhyfeddod llawn dychymyg hwn yn fyw.
Rydym hefyd eisiau dweud diolch yn fawr iawn i’n partneriaid a’n noddwyr:
- Eisteddfod Genedlaethol Cymru
- Hafren, Y Drenewydd
- Oriel Davies Gallery, Y Drenewydd
- Clwb Pêl-droed Beaufort, Glyn Ebwy
- Edenstone Homes a Chyfreithwyr Aaron & Partners
- IKEA.
Felly, beth nesaf?
Wel, bydd crewyr Treantur Nigel a Louise nawr yn gwrando'n ôl ar yr holl recordiadau sain ac yn mynd ati i lunio sgript ar gyfer y sioe theatr epig ac arloesol o radical rydyn ni'n ei gwneud y flwyddyn nesaf.
Os nad wyt ti'n derbyn ein e-byst eisoes, cofrestra ar gyfer ein rhestr bostio i glywed popeth am y camau nesaf.
Gwyliwch ein cerdyn post o Treantur:
“Y cyfan y gallaf ei ddweud gan riant a gafodd y fraint trwy fy ymwneud â Treantur yw pa mor wirioneddol ddiolchgar ydw i eich bod wedi dod ag ef yn ôl… Mae’r ardal y mae Treantur yn ei chreu mor bwysig, ac mae gweld a bod yn rhan o hynny yn fraint wirioneddol.” Oedolyn yn Y Drenewydd