Cwmni theatr ydyn ni. Rydyn ni hefyd yn elusen, yn fusnes, yn gyflogwr ac yn sefydliad. Rydyn ni’n lletya pobl ac yn gofalu am bethau. Yn wir, rydyn ni’n llawer o bethau i lawer o bobl.

Rydyn ni’n bodoli i gymryd risgiau artistig, ond rydyn ni’n gwneud popeth mewn ffordd gyfrifol. Mae’n bwysig i ni ein bod ni’n agored, yn dryloyw ac yn atebol, a’n bod ni hefyd yn rhoi sylw i gyfiawnder a lles pawb sy’n gweithio gyda ni, ynghyd â lles y blaned rydyn ni’n rhan ohoni. Mae polisïau, cynlluniau a gweithdrefnau ein cwmni yn trin a thrafod y pethau hyn yn fanwl.

Mae gennyn ni beth wmbreth ohonyn nhw. Ac rydyn ni’n falch iawn i’w rhannu nhw â phawb sydd â diddordeb mewn gwybod sut rydyn ni’n bwrw ati yn hyn o beth, neu sydd am eu defnyddio yn sail i’w gwaith eu hunain. Y rhai sydd wedi’u rhestru isod yw’r rhai pwysicaf, a rhaid i’r rhain fod ar gael i’r cyhoedd eu gweld drwy’r amser. O ran y gweddill, rho wybod inni ac fe fyddwn ni’n fwy na pharod i’w rhannu.

Gellir dod o hyd i'n polisi cwynion am y Gymraeg fan hyn.

Rydyn ni’n dilyn10 egwyddor UK Theatre ar gyfer gweithleoedd diogelym mhob rhan o’n gwaith. Mae’r egwyddorion hyn yn ceisio cael gwared yn llwyr ar fwlio, aflonyddu a gwahaniaethu o’n diwydiant, gan gynnig gweledigaeth gyffredin ar gyfer creu gweithle mwy diogel a chynhwysol.