Gweithio gyda ni

Galwad am artistiaid newydd yng Nghaerdydd i ddatblygu drama radio

Galwad am artistiaid newydd yng Nghaerdydd i ddatblygu drama radio

Prosiect TEAM Collective gan Ryan Romain

Galwad am awduron newydd

Rydyn ni'n chwilio am bedwar awdur newydd i ysgrifennu drama radio mewn diwrnod wedi'i hysbrydoli gan y thema 'ymddangosiad'.

Gall hwn fod mewn unrhyw genre a ddewiswch, gyda maint cast o hyd at wyth a dim mwy na 15 munud o hyd. Rhaid i hwn fod yn ddarn gwreiddiol, nas perfformiwyd erioed o'r blaen.

Galwad am gyfarwyddwyr newydd

Rydym yn chwilio am ddau gyfarwyddwr newydd gydag angerdd am ysgrifennu newydd i gyfarwyddo dwy o'r dramâu radio llwyddiannus mewn diwrnod.

Nodyn am National Theatre Wales

Wrth i ni weithio tuag at weledigaeth a dyfodol newydd, rydym yn parhau i gefnogi gwneuthurwyr theatr, artistiaid a phobl greadigol drwy raglenni NTW TEAM a gefnogir gan Lywodraeth y DU drwy Gronfa Ffyniant Gyffredin y DU, sy’n cael ei gweinyddu gan Gyngor Caerdydd.

Mae'r gweithgaredd hwn yn cynnwys lansio mentrau newydd NTW TEAM: Young Collective, TEAM Collective, cyfnodau preswyl i artistiaid a chyfres o ddigwyddiadau o'r enw The City Socials. Bydd mwy yn cael ei ddatgelu dros yr wythnos nesaf. Cadwch lygad ar ein cyfryngau cymdeithasol a’n cylchlythyr ar gyfer y digwyddiadau nesaf.

Ydych chi'n diddordeb?

Cefndir

Dros y flwyddyn nesaf, mae’r TEAM Collective yn cynnal digwyddiadau, gweithgareddau a thrafodaethau i ddarparu cyfleoedd i ystod eang o bobl gymryd rhan yn ein gwaith ac ymgysylltu â’r celfyddydau.

Mae Ryan Romain yn angerddol am ysgrifennu newydd, datblygu pobl greadigol ac artistiaid newydd. Ei nod gyda’r prosiect hwn yw rhannu straeon o gymunedau ledled Caerdydd, cysylltu unigolion dawnus ac ymgysylltu â chynulleidfaoedd mewn ffordd newydd.

Sut y byddwn yn eich cefnogi

Rhoddir y canlynol i awduron llwyddiannus:

  • £150 i ysgrifennu’r ddrama (rydym yn disgwyl i chi dreulio dim mwy na 7 awr yn creu)
  • Recordiad o'r cynhyrchiad gorffenedig
  • Cymorth dramayddol gan Ryan Romain, sydd â phrofiad helaeth gydag ysgrifennu newydd.

Bydd cyfarwyddwyr llwyddiannus yn cael:

  • Ffi o £150 am ddiwrnod o gyfarwyddo (disgwyliwn na fydd hyn yn hwy na 7 awr)
  • Recordiad o'r cynhyrchiad gorffenedig
  • Cymorth cyfarwyddo gan Ryan Romain, sydd â phrofiad helaeth gydag ysgrifennu newydd.
Am bwy rydyn ni'n chwilio

Gan fod y rhaglen hon yn cael ei hariannu gan Ariannu Ffyniant a Rennir trwy Gyngor Caerdydd, rydyn ni'n chwilio am artistiaid newydd sy'n byw mewn ward sir Cyngor Caerdydd.

Mae gennym ddiddordeb arbennig mewn clywed gan artistiaid neu grwpiau sydd fel arfer yn cael eu tangynrychioli yn y celfyddydau gan gynnwys hunaniaethau ymylol, dosbarth gweithiol, mwyafrif byd-eang, anabl a/neu niwroddargyfeiriol.

Amserlen y gweithgarwch

Pryd

Beth

Dydd Llun 5 Awst

Galwad am gyfarwyddwyr ac awduron yn agor

10am ddydd Llun 26 Awst

Dyddiad cau ar gyfer ceisiadau cyfarwyddwyr ac awduron

Dydd Llun 2 Medi

Cyfarwyddwyr ac awduron yn cael gwybod am y canlyniad

w/c Dydd Llun 2 Medi

Galwad am actorion yn agor

Erbyn dydd Llun 16 Medi

Cyflwyno sgriptiau wedi'u cwblhau

Dydd Llun 23 Medi

Dyddiad cau ar gyfer ceisiadau actorion

Dydd Llun 30 Medi

Actorion yn cael gwybod am y canlyniad

Yn dilyn cyflwyno'r sgript a'r galwad am actorion, byddwn yn cysylltu â'r cyfarwyddwyr llwyddiannus i ddod o hyd i ddyddiad i gyfarfod. Rydym yn rhagweld y bydd hyn yn gynnar ym mis Hydref.

Bydd golygu, ôl-gynhyrchu a rhyddhau yn dibynnu ar y dyddiad a gadarnhawyd ar gyfer cyfarwyddo. Mae hyn yn debygol o ddigwydd ddiwedd mis Hydref.

Sut i wneud cais

Rydyn ni'n eich annog i wneud cais ym mha fodd bynnag yr ydych yn teimlo'n fwyaf cyfforddus a hyderus. Gall hyn fod mewn fideo, neges sain neu e-bost. Pa bynnag fformat yr ydych yn ei ddewis, dywedwch wrthym mewn dim mwy na 3 munud neu hyd at 600 o eiriau:

  • Pwy ydych chi a beth ydych chi'n ei wneud
  • Os oes gennych ddiddordeb mewn ysgrifennu, cofiwch gynnwys crynodeb o'ch syniad
  • Os oes gennych ddiddordeb mewn cyfarwyddo, rhannwch pa fath o ysgrifennu yr hoffech chi weithio gydag ef

Cofiwch gynnwys:

  • Enw(au) yr ymgeisydd
  • E-bost
  • Rhif ffôn
  • Cod post (yng Nghaerdydd)

Os hoffech chi siarad â rhywun am y briff hwn, cysylltwch â Ryan drwy e-bostio ryanromain@hotmail.com.

Anfonwch ddatganiad o ddiddordeb erbyn 10am ddydd Llun 26 Awst i racheljohn@nationaltheatrewales.org a llenwch Ffurflen Monitro Cyfle Cyfartal.

Wedi'i chefnogi gan Lywodraeth y DU drwy Gronfa Ffyniant Cyffredin y DU, sy’n cael ei gweinyddu gan Gyngor Caerdydd.